قصة ملك الخدامة وعزيز بيه

الحلقه الاولى
قدام بيت كبير و عالي وقفت ملك وهي شايلة شنطة هدوم صغير بتبص على البيت
قرب منها البواب أنتي يا بت ... أنتي يا بت... واقفه عندك بتعملي ايه
ملك أنا الشغالة الجديدة
البواب أااه..طب فوتي قدامي .. الست هانم منتظراكي من بدري .
دخلت ملك مع البواب عينيها على البيت الي شكله تحفة و حواليه ورد و شجر وخضرة.

ملك في نفسها قصر غالي و شجر و ورود و زينه...كل أملي في الحياة أن البيت ده يبقى خرابه و يولع على دماغ صحابه .... أكيد هعمل كده.
خرجت من سرحانها على صوت البواب أنتي يا بت ... فوتي على جوا الهانم مستنيه.
ملك حاضر.
دخلت ملك لاقت ست في اواخر الأربعينات قاعده على كرسي فخم و حاطة رجل على رجل.
هدى أنتي الشغاله الجديدة 
ملك أيوه
هدى معقول
ملك هو إيه إلي معقول يا هانم 
هدى لأ ... احممم.. و لا أي حاجة.. أسمك إيه 
ملك ملك يا ست هانم.
هدى أممم ...طيب يا ملك عرفوكي قواعد الشغل هنا
ملك لأ لسه
هدى تمام... الشغل هنا مش زي الشغل في أي مكان تاني برا... أهم حاجة النضافة و الإلتزام و الأمانة.. و كمان في حاجه مهمه أهم من كل ده 
ملك إيه هي
هدى إن مافيش إجازات.. إقامتك هنا أربعه و عشرين ساعة و مافيش أي يوم أجازة .. أنتي متفرغة للخدمة هنا و بس.
ملك اټصدمت ... لأ لا.. مش ده إلي بتفكر فيه و لا بتخطط له خالص ... مش هينفع كل حاجه تضيع منها.
بصت لهدى و قالت أيوه بس..
وقفت هدى و قالت بس أيه... أنتي هتعترضي من أولها... أول قاعدة تتعلميها هنا ... أنا ما بحبش ألزن الكتير و لا الكلام... شغلك تنفذيه من سكات و تبقي عاميه و خارصة و طارشه .. يعني لا بتشوفي و لا بتتكلمي و لا بتسمعي .. و خروج من هنا أو أجازات و دلع ممنوع .. أنا مش بحب الإهمال و لا أن البيت ينقصه أي حاجة... ها .. موافقة على كده من دلوقتي و لا تمشي... أنا مش لسه هقعد أضيع وقت معاكي.
وقفت ملك بتبص لها بغل .... أد ايه الست دي جبروت .... فكرت ملك بينها و بين نفسها بسرعة
ملك أوافق إزاي... لو وافقت هبقى بخسر كل حاجه... بس بردو لو رفضت مش هيبقى قدامي فرصه تانيه أدخل فيها بيت الغندور ... مش هينفع أرفض..مش هينفع.
فاقت لنفسها على صوت هدى المتضايق أنتي يا حلوة... هتفضلي ساكته و موقفاني كده كتير... ما تخلصي موافقة و لا تطلعي برا أنا ما بحبش الغباء و لا الاغبيا.
ملك حاضر .
هدى هاااااا 
ملك موافقة
هدى تمام... تعالي ورايا عشان أعرفك باقي القواعد.
مشيت ملك مع هدى في البيت إلي كان كل ركن فيه بينطق من الفخامة حتى التماثيل كانت انتيك.
هدى تاخدي بالك و أنتي بتنضفي أي قطعه هنا.. حتى المعالق.. تمن المعلقة الواحدة أغلى من حياتك فاهمه.
بلعت ملك الاهانه و قالت فاهمه يا هانم... في حاجه تانيه تحبي تضفيها
هدى أيوه هنا الفطار و الغدا و العشا بمواعيد .. و دول مسؤلية عم عبدو بس هو بيطبخ بس انتي هتكملي الباقي.
ملك حاضر... حاجة تاني
هدى أهم حاجة في كل إلي قولناه... اوضه عزيز بيه.
ملك عزيز بيه مين 
هدى عزيز بيه مين مش عارفه إسم صاحب البيت الي جايه تشتغلي فيه
ملك في نفسها مش عارفاها! ههه .. ده انا قايمه نايمه أحلم بيه
و هو بيتذلل تحت رجلي عشان