قصة ملك الخدامة وعزيز بيه

بسرعه و راحت لأوضتها و هي متلغبطة جامد.
تاني يوم كانت في المطبخ بتشيل أطباق الفطار.
دخل عم عبدو و قال اخيرا خلصت .. رجلي خلاص مابقتش شيلاني و البيه عايز قهوة
ملك خلاص خليك و أنا هعملها له
عبدو لاااا.. يستحيل ابدا... ده البيه مايعرفش يعدي يومه غير لما يتمزج من القهوة بتاعتي .. كله إلا قهوتي بيميزها من وسط مية فنجان .. أوعي أوعي.
قام عبدو حضر القهوة بس أداها لملك اخدتها و دخلت مكتب عزيز إلي كان بيتكلم في التليفون
في مكتب عزيز
ملك قربت من المكتب جنب عزيز حطت القهوة و جت تمشي لاقته مسك أيدها و هو بيبتسم و لسه بيتكلم في التليفون.
حاولت تسحب أيدها بس هو ما سمحلهاش.
و قفل المكالمة
ملك أيدي لو سمحت
عزيز تستاهلي... كده تجرب إمبارح و تنامي من غير عشا و لا حتى أي حاجة خالص.
ملك أنا....
عزيز ما تتكررش تاني أوكي
ملك حاضر
فضل ماسك أيدها بيبص لعينها و بالأيد التانيه مدها يشرب القهوة.
عزيز الله... القهوة النهاردة غير كل يوم.. أكيد أنتي إلي عملاها .
ملك هاه... أه.. أنا.. حسيت بالفرق
عزيز جدا .... ملك ... أنتي مرتبطة
ملك هااه
عزيز إيه بسألك مرتبطة
ملك ل.. اا.. لأ.. لأ مش.. مش مرتبطة.
حط فنجان القهوة و قال مالك اتوترتي كده .. طيب أنتي أسمك ملك إيه
ملك هاااه
عزيز ايه يا بنتي كل ما اسألك سؤال ترتبكي .. مالك... اسمك الكامل إيه... أنتي من عيلة إيه 
سحبت أيدها بقوه منه و قالت و حضرتك بتسأل ليه .. هتجيب لي عريس مثلا 
عزيز أنتي عايزة عريس و لا إيه
ملك أنا مش عايزه حاجه.. بعد أذنك هروح أشوف شغلي.
عزيز ملك.. أستني.
وقفت في نص الاوضه فقام عزيز و قرب لعندها.
ملك أفندم.
عزيز أيوه.... أنتي لسه ما قولتيش اسمك ايه
ملك و .. وهو أسمي هيفيد حضرتك في ايه
قرب منها و مسك أيدها تاني و قال اسمك إيه يا ملك.
في الوقت ده دخلت عمته مره واحده.
هدى مفاجأة يا عزيز مش هتصدق آل.... إيه ده هو في ايه.
ملك اتحرجت و عزيز كمان ... خرجت ملك بسرعه و هدى قربت من عزيز
هدى هو في ايه... كانت ماسك البنت دي كده ليه ... أااه .. أكيد ظبطها بتسرق حاجة... سړقت إيه قولي و أنا هروح اجيبها من شعرها و أطردها برا
عزيز استني بس.. مافيش حاجه.. قوليلي أنتي.. مفاجأة إيه إلي كنتي جايه تقوليها لي.
هدى أيوه صح... ده انت هتفرح قوي ... رشا بنتي راجعه من امريكا و بتقول بتفكر تستقر هنا خلاص
عزيز أه.. بجد.. طب هايل... عنئذنك يا عمتي عندي شغل.
خرج عزيز و هدى بتتابعه بغيظ عنئذنك عندي شغل ... ماشي يا عزيز
خرج عزيز يركب عربيته و ملك كانت في المطبخ إلي بيطل على الجنيه.
بصت من الشباك و وقف عزيز شويه باصص عليها.
و وقف عم عبدو ورا ملك و ساعتها موبايلها رن
عم عبدو موبايلك يا ملك .
لكن ملك ماردتش .. كانت سرحانه و مشغوله بعزيز.
عم عبدو موبايلك بيرن بقولك
إلتفت ملك بسرعه و مسكت الموبايل و بان عليها التوتر.
عم عبدو إيه... مش هتردي
ملك هاا .. لأ مش مهم.
الموبايل فصل
لكن رجع رن تاني.
عم عبدو إيه.. مش مهم بردو
ملك أه مش مهم.
حاولت تتوه من عم عبدو لكن الموبايل رن لتالت مره
فأخدته و خرجت
عم عبدو لاااا .. البت دي أكيد وراها حاجه
في اوضة ملك.
دخلت و قفلت الباب
و ردت على التليفون
ملك في ايه يا مجدي زن زن زن عمال تتصل ورا بعضه مش عارفه ارد