اسكريبت أدهم وليلى بقلم إيمان صالح
و يسافر كل الفتره دي !
_ليلي انا كنت سامع صوتك عالي في اي
_مفيش يا خالد
_ادهم ده اللي كنتي بتكلميه
_اهه هو
_زعلان علشان سمعني وانا بكلمك
_حاجه زي كده
_طيب انا ممكن أكلمه واقوله اني
_لا متقولش يا خالد خليه براحته
_يا ليلي انا مش عايز زعل بينكم
_هو كده كده الزعل موجود يا خالد خلاص بقي قولي بقي عملت اي
_خلاص سيبلي انا الموضوع ده
_حبيبتي يا لول متحرمش منك
_ولا يهمك يستا
_يستا! انا ماشي يا ليلي و شوفي خالتك عايزه منك اي
_سلملي علي محمد بس ماشي
_ماشي يستي وانتي خلي بالك من نفسك ولو احتاجتي اي حاجه كلميني
_ماشي يا خالد
مشي وانا وروحت كلمت خالتي الحقيقه خالد من اقرب الناس ليا ابن عمي و كان دايما قريب مني بس بعد ما روحت عند خالتي وهو بعيد قرب مني بعد ما ادهم سافر دايما كان بيشوفني انا و خالتي محتاجين اي و ينفذ طالبتنا و دايما يقول إنه مكان ادهم
في يوم كنت بذاكر خلاص كنت بعمل دبلومه معقول فات سنتين علي جوازي!
ضحكت بسخريه فين جوازي ده ادهم من اخر مره اتخنقنا مع بعض مكلمنيش ولا كلمته كنت غبيه لما فكرت ادي فرصه تانيه ليه بس كنت غلطانه سبت الكتب و طلعت جهزت الاكل خالد جاي بعد شويه مش عارفه من غيره كنت عملت اي حقيقي طلعت من المطبخ و غيرت هدومي وبعدها طلعت لقيت خالتي بتكلم ادهم ڤيديو لمحت صورته حقيقي وحشني بس مش لازم اضعف مشيت خطوتين و خالتي نادت عليا بصتلها بس الباب خبطت
فتحت الباب و كان خالد ابتسمت
_حمدالله علي السلامه اتاخرت لي
_معلش يا لولا بس كنت مع المزه النهارده
بمرح_ايوه يا عم يريتني كنت مكانها
خبطتني علي راسي _قروه علينا بقي
ضحكت _ايدك لتوحشك
_ماشي يا اختي
Eman Saleh .
سبته و قربت من خالتي اللي عطتني الموبيل بتاعها
_بس يا ماما
_ادخلي علشان متعصب خدي الموبيل و ادخلي اوضتك تعالي يا خالد يا حبيبي نتكلم شويه لحد ما تخلص
_هو انا كل اما اجي الاقيها مسكها الموبيل
_بطل رخامه و تعالي معايا وانتي يا ليلي يلا ادخلي
مسكت الموبيل بتردد و دخلت الاوضه وقفلت الباب بصيت عليه مقدرش انكر انه وحشني كل حاجه فيه بصيت عليه لقيته ساكت شويه
_هه اقدر اعرف اي الحركات اللي بتحصل دي يا ليلي
_حركات اي يا ادهم
اتعصب_متستعبطيش انا شايفك
_شايف اي
زعق_ليلي احترمي نفسك انا شايف وانتي واقفه بتهزري معاه وهو خبطك علي راسك دي حركات واحده محترمه مع ابن عمها
_انا محترمه
